19 От ыйа 19.07
  • 21°
  • $ 87,88
  • 96,1

Хапсаҕайга Саха сирин сүүмэрдэммит хамаандата «Азия оҕолоро» оонньуу иннинэ түмүктүүр эрчиллиини ыытар

Читайте нас на
Яндекс Новости
ЯДВ

Хапсаҕайга Саха сирин сүүмэрдэммит хамаандата Алдан куоракка «Азия оҕолоро»VII аан дойдутааҕы спортивнай оонньууларга тахсыан иннинэ үөрэтэр- эрчийэр түмсүүгэ дьарыктана сылдьар. Хамаанда спортсменнары алта араас ыйааһыннарга бэлэмниэҕэ, диэн СИА кэпсиир.

«Бу хайыы- үйэ иккис хомуур дьарыкпыт, бастакы мустуубут өссө саас Дьокуускайга ыытыллыбыта. Оҕолор өрөспүүбүлүкэ күрэхтэһиитигэр сүүмэрдиир түһүмэхтэригэр бары кыттыбыттара онно 100- чэкэ спортсмен кыттыбыта. Оонньууларга Тыва, Бурятия, Монголия, Иран, Кыргызстан хамаандаларын сүрүн конкуреннарынан ааҕабыт, ол эрээри хапсаҕай соһуччу соҕус спорт көрүҥэ, онон оҕолорбутугар эрэнэбит, — диэн СИА-ҕа хамаанда тренерэ Вячеслав Данилов кэпсээтэ.

Хамаандалар элбэх күрэхтэһии кыайыылаахтарын, призердарын Платон Саввин уонна Вячеслав Данилов салалталарынан бэлэмнэнэллэр. «Азия оҕолоро» оонньууларга хапсаҕай күрэҕэ атырдьах ыйын 4 күнүгэр «Фетисов Арене» буолуоҕа. Санатан эттэххэ, «Азия оҕолоро» VII аан дойдутааҕы спортивнай оонньуулар от ыйын 27 күнүгэр Владивостокка ыытыллыахтара. 15 дойдуттан икки тыһыынча кэриҥэ спортсмен кыттыаҕа. Мэтээллэри спорт 19 көрүҥүнэн оонньуохтара.

Следите за самым важным и интересным в Telegram-канале и WhatsApp-группе ЯСИА