«Вектор» билим киинэ оҥорбут „ЭпиВакКорона“ быһыытын Дьокуускайга 600 мэдиссиинэ үлэһитэ ылла. Быһыыны ахсынньы 28 күнүттэн куорат 3№-дээх поликлиникатыгар биэрэллэр.
1200 „ЭпиВакКорона“ быһыыта Саха сиригэр ахсынньы 24 күнүгэр кэлбитэ. Быһыыны Роспортребнадзор үлэһиттэригэр эмиэ туруораллар.
Уопсайынан быһыыны өрөспүүбүлүкэ 34 улууһугар уонна Дьокуускайга биэс сиргэ туруораллар.
Роспотребнадзор иһитиннэрэринэн, вакцина куттала суох, 18 – 60 саастаах дьарҕа ыарыыта суох дьоҥҥо барсар. Быһыыны иккитэ төхтүрүйэн, 2-3 нэдиэлэ быыһаан ылыллар.
