Элбэх кыбартыыралаах дьиэҕэ олорор киһи, өскөтүн быстах кэмҥэ бөҕү тиэйэр-таһар өҥөнөн туһаммат буоллаҕына, төлөбүрүгэр «перерасчет» аахтарыан сөп.
Киһи уоппускаҕа эбэтэр командировкаҕа бардаҕына, бөҕү тиэйэр-таһар өҥөнөн туһаммат. Ол иһин төлөбүрүн хос «аахтаран» ылыан сөп. Ол туһунан уураахха бырабыыталыстыба бэрэссэдээтэлэ Михаил Мишустин илии баттаата.
Саҥа бэрээдэк 2023 сыл кулун тутар 1 күнүттэн үлэлиир.
Маннык быһаарыы бу өҥөҕө тарыып хас киһи кыбартыыраҕа пропискалааҕынан ааҕыллар эбэтэр олорор дьиэ иэнэ учуоттанар буоллаҕына үлэлиир.
Төлөбүрү хос аахтарыыга управляющай хампаанньаҕа сайабылыанньа суруллар, дакаастыыр докумуоннары кыбытыллар. Холобур, туристическай путевка эбэтэр авиабилиэт.
«Перерасчёт»-унан дьиэлэригэр 5 күнтэн элбэх хонук олорботох киһи туһанар.
Источник: @obyasnayemrf
