24 От ыйа 24.07
  • 15°
  • $ 87,3
  • 95,46

Үөһээ бүлүүлэр ыһыахтарыгар бэлэмнэниинэн мунньахтаатылар

Читайте нас на
Яндекс Новости
ЯДВ

Үөһээ Бүлүү улууһун Ыһыаҕын тэрийэр хамыыһыйа мунньахтаата. СӨ Култуура министиэристибэтин Геокультурнай киин салайааччыта, Үөһээ Бүлүү улууһун баһылыгынан үлэлээн ааспыт Михаил Донской кыттыыны ылла. 

«Тэрийэр үлэҕэ эдэр салайааччыларын элбээбиттэрин көрөн үөрдүм. Улуус баһылыгын тула бары түмсэн үрдүк таһымнаах ыһыаҕы тэрийиэххит диэн эрэнэбин», — диэн тыл этэригэр санаатын үллэһиннэ.

«Төрүт түөлбэм — дьоллоох дойдум» Үрүҥ Тунах Ыһыах балаһыанньатын торумун Норуот айымньытын киинин салайааччыта Алена Босикова билиһиннэрдэ. 

— Оҕо сылынан оҕолорго фольклор 8 көрүҥүнэн күрэх барыаҕа. Итиэннэ хабылык, хаамыска күрэҕэ уонна уруһуй куонкурса буолуоҕа.

— Оҕолор кэнсиэртэрэ быйыл улахан түһүлгэ сыанатыгар туруоҕа.

— Дьиэ кэргэн сылынан Олоҥхону ааҕыы быйыл дьиэ кэргэнинэн тэриллиэҕэ. Ону тэҥэ бэйэ дьарыгынан үлэлиир дьиэ кэргэттэргэ күөн күрэс былааннанар.

— Оһуохай, тойук, туойсуу, чабырҕах, хомус, сахалыы ьаҥаһы көрүү, ырыа, чороон оҥоһуутун, илиинэн уус-уран оҥоһуктарын көрүү күрэхтэрэ үгэс курдук икки күн устата ыытыллыахтара.

— Быыстапка павильона үлэлиэҕэ.

Спорт управлениетын салайааччыта Егор Николаев ат сүүрдүүтүн, спортивнай күрэхтэр балаһыанньаларын торумун иһитиннэрдэ. Ат сүүрдүүтүн балаһыанньата бу күннэргэ бигэргэниэҕэ. Хамыыһыйа чилиэттэрэ Үс иилээх хапсаҕай үгэс быһыытынан ыытыллара наадалааҕын бэлиэтээтилэр.

Маныаха Үс иилээх хапсаҕайга хайа хапсаҕайдьыттар кытталларын нэһилиэк баһылыктара сарсыҥҥы Баһылыктар Сүбэлэригэр быһааралларыгар хааллардылар.

— Ат сүүрдүүтүн түмүктэрэ нэһилиэктэр икки ардыларыгар ыытыллар спартакиада түмүгэр киирэн биэриэхтэрэ, суруйда «Үөһээ Бүлүү» хаһыат.

Следите за самым важным и интересным в Telegram-канале и WhatsApp-группе ЯСИА