Ыам ыйын 18 күнүгэр улуус дьаһалтатыгар улуус баһылыгын бастакы солбуйааччыта Егор Иванов салайыытынан Бүлүү өрүскэ паром сырыытын туһунан сүбэ-мунньах ыытылынна.
Мунньахха “Роспотребнадзор” Үөһээ Бүлүүтээҕи салаатын сүрүн исписэлииһэ Айталина Корякина, кыра суудуналары хонтуруоллуур МЧС үлэһитэ Александр Долгунов, биир кэлим дьуһуурунай-диспетчерскэй сулууспа үлэһиттэрэ, паром үлэһиттэрэ о.д.а. кыттыыны ыллылар. Айталина Едюгеевна уонна Александр Васильевич паром сырыытыгар баар ирдэбиллэргэ тохтоон сиһилии быһаардылар.
Бу күн паром боруобалыыр сырыыны оҥордо. Салгыы бу күннэргэ паром үлэһиттэрэ докумуоннарын ситистэхтэринэ, паром үлэтин саҕалыа диэн иһитиннэрдилэр.
