28 Бэс ыйа 28.06
  • -7°
  • $ 104,68
  • 115,6

Дыгын оонньууларын саҥа чемпиона тутуу хампаанньатыттан мөлүйүөн солкуобайы ылыаҕа

Билиҥҥи Дыгын оонньууларын сүрүн спонсорынан үһүс сылын ООО «Прогресс» тутуу хампаанньата буолуоҕа. Кинилэр чемпион сүрүн бирииһин быһыытынан биир мөлүйүөн солкуобайы туруораллар. Быйыл бэс ыйын 25-26 күннэригэр Туймаада ыһыаҕар  Дыгын оонньууларын саҥа кыайыылааҕын быһаарыахтара, диэн СИА иһитиннэрэр.

ООО «Прогресс» Дыгын оонньууларын кылаабынай спонсорынан үһүс сылын буолар, маннык коллективнай быһаарыыны спорт национальнай көрүҥнэрин уонна многоборьены киэҥ эйгэҕэ таһааарар баҕаттан ыллылар. Хампаанньа салайааччыта Алексей Пинигин. Быйыл ООО «Прогресс» Дыгын оонньууларын кыайыылааҕар биир мөлүйүөн солкуобайы туттарыаҕа. Үрүҥ көмүс мэтээл кыайыылааҕа бирииһи «Охотный двор» маҕаһыын ситимиттэн ылыаҕа. Оттон үһүс миэстэ хаһаайына «Carmen» матасыыкылы ылыаҕа.

Дыгын оонньууларыгар сүүмэрдиир түһүмэҕи ааспыт, Саха сирин чемпионатыгар путевкааны ситиспит өрөспүүбүлүкэ бастыҥ бөҕөстөрө тахсыахтара. Престижнэй турнирга Алексей Уваровскай (Кэбээйи улууһа), Айсен Ботуев (иккиэн Үөһээ Бүлүү улууһа), Вячеслав Дьяконов (Нам улууһа), Николай Матананов (Таатта улууһа), Дьулустан Ноговицын (Горнай улууһа), Артем Варданян (Нам улууһа),Тимофей Большаков (Сунтаар улууһа), Петр Прудецкай (Дьааҥы улууһа), Николай Обоев (Ньурба улууһа), Давыд Колесов (Мэҥэ Хаҥалас улууһа) киирсиэхтэрэ.

Следите за самым важным и интересным в Telegram-канале и WhatsApp-группе ЯСИА
0
0