16 Атырдьах ыйа 16.08
  • 13°
  • $ 61,37
  • 62,51

Дьокуускайга мас тардыһыытын Аан дойдутааҕы чемпионатыгар 44 дойдуттан спортсменнар кыттыахтара

Дьокуускайга бэс ыйын 21-27 күннэригэр ыытыллыахтаах Туймаада ыһыаҕын биир сүрүн тэрээһининэн мас-тардыһыытыгар аан дойду чемпионата буолуоҕа. Күрэхтэһиигэ бэлэмнэнии хайдах бара турарын туһунан Саха сирин баһылыгар Айсен Николаевка Үс Хатыҥҥа буолбут мунньахха Саха сирин физическэй култуураҕа уонна спортка миниистирэ Леонид Спиридонов иһитиннэрдэ.

«Күрэхтэһии сүүмэрдиир киирсиилэрэ «Триумф» спортивнай киинигэр, оттон финальнай чааһа Туймаада ыһыаҕар Үс Хатыҥҥа буолуохтара. Бэс ыйын 2 күнүгэр чемпионакка 44 дойдуттан 230 спортсмен кыттарын бигэргэттилэр«, — диэн Леонид Спиридонов иһитиннэрдэ.

Күрэхтэһиигэ Арассыыйа уонна тас дойдулар бастыҥ мас-рестлердара кыттыахтара. Чемпионат ыытыллар кэмигэр аан дойдутааҕы мас-рестлинг федерациятын конгреһын ыытыы былааннанар.

Миниистир итини таһынан, бэс ыйын 25 күнүгэр Үс Хатыҥ сиригэр  «Мадьыны Сэргэ» аһыллыытын үөрүүлээх сиэрэ- туома буолуоҕа диэтэ. Итиэннэ » Туймаада ыһыаҕын-2022» дьоһуннаах тэрээһрнинэн Приморскай кыраайга «Азия оҕолоро» VII сайыҥҥы спортивнай оонньуулар уотун биэрии буолуоҕа.

Следите за самым важным и интересным в Telegram-канале и WhatsApp-группе ЯСИА
0
0