30 Кулун тутар 30.03
  • -16°
  • $ 92,37
  • 99,53

Дьокуускайга оҕотун эмиий үүтүнэн аһатар ийэҕэ анаммыт скульптура туруорулунна

17:01, 25 ноября 2021
Текст:
Читайте нас на
Яндекс Новости
ЯДВ

Өрөспүүбүлүкэтээҕи балыыһа перинатальнай киинигэр оҕотун эмиийин үүтүнэн аһатар ийэҕэ туһуламмыт скульптура туруорулунна. Дьаһал Россияҕа Ийэ күнүгэр уонна эмиий үүтүнэн оҕону аһатыыны өйүүр уонна биһириир X үбүлүөйдээх нэдиэлэҕэ ананар, суруйар СИА. 

Бүгүн оҕо доруобуйатын харыстабылыгар анаммыт дьоһуннаах дьаһал буолла. Өрөспүүбүлүкэҕэ Доруобуйа уонна Россияҕа наука сылларыгар ананар.

Регион салалтатын аатыттан баһылык уонна бырабыыталыстыба дьаһалтатын салайааччыта Афанасий Владимиров эҕэрдэ эттэ.

«Саха сирэ демография боппуруостарыгар Россияҕа инники күөҥҥэ сылдьар. Ааспыт сылга биһиэхэ 13 тыһыынчаттан тахса оҕо төрөөбүтэ, быйыл 9 ый түмүгүнэн, 9000-тан тахса. 30 тыһыынчаттан тахса оҕо элбэх оҕолоох дьиэ кэргэҥҥэ төрүүр. Биэс уонна онтон элбэх оҕолоох ыал ахсаана региоҥҥа икки тыһыынчаттан тахса. Бу скульптураны арыйарбытыгар ситиһиллибккэ тохтоон хаалбакка өссө баран иһиэхтээхпит диэн этэбит.  Дьиэ кэргэн бэлиитикэтигэр быһаччы үлэлэһэр салайааччылар бука бары ийэ буолуу уонна оҕо саас эйгэтэ сайдалларыгар нуорма-быраап докумуоннара сөп түбэһэллэригэр кыһаллыахтаахпыт», — диэтэ Афанасий Владимиров.

Перинатальнай киин 2012 сыллаахха «Оҕоҕо истиҥ сыһыаннаах балыыһа» диэн бэлиэни ылбыта. 10 сыл иһигэр ийэ оҕотун эмиийин үүтүнэн аһатыытын 94% тириэртилэр.

Үлэ миниистирин солбуйааччы Афанасий Постников бэлиэтээбитинэн, балыыһа ситиһиитэ «Демография» национальнай бырайыагынан ыытыллар.

Сиһилии https://ysia.ru/v-yakutii-otkryli-skulpturu-posvyashhennuyu-kormyashhej-materi/

Хаартыска: Мария Васильева, ЯСИА

Следите за самым важным и интересным в Telegram-канале и WhatsApp-группе ЯСИА