29 Кулун тутар 29.03
  • -14°
  • $ 92,26
  • 99,71

Дьокуускай олохтоохторун “Өлбөт үйэлээх полк” акцияҕа кыттарга ыҥыраллар

Читайте нас на
Яндекс Новости
ЯДВ

Икки сыллаах тохтобул кэнниттэн Саха сиригэр «Өлбөт үйэлээх полк ыам ыйын 9 күнүгэр ыытыллыаҕа. Маршрут Хабаров уулусса Чиряев уулуссатын кытары быһа охсуһар сириттэн — Кыайыы өрөгөйдөөх аркатынан — Кыайыы болуоссатынан – Богатырев уулуссатынан (Губин уулуссата) ааһыаҕа. Тэрээһин  онлайн бырайыак сайтыгар уонна социальнай ситимнэргэ эмиэ барыаҕа. Бу туһунан СИА-ҕа тэрийээччилэр кэпсээтилэр.

Үгэс буолбут хаамыы.

Дьокуускайга кыттааччылар түмсүүлэрэ ыам ыйын 9 күнүгэр 10 чаастан Хабаров уонна Ярославскай уулуссалар килбэһиктэригэр буолуоҕа, салгыы Ярославскай уулуссанан хаамыахтара.Маршрут Хабаров уулусса Чиряев уулуссатын кытары быһа охсуһар сириттэн — Кыайыы өрөгөйдөөх аркатынан — Кыайыы болуоссатынан – Богатырев уулуссатынан (Губин уулуссата) ааһыаҕа.

Быйыл кыттааччыларга итии чэй тэрийиэхтэрэ, экраҥҥа историческай киинэлэри көрдөрүөхтэрэ, сэрии сыллардааҕы ырыалары ыллыахтара.

Ону тэҥэ, Дьокуускай куорат Аммосов 18 №-дээх уулуссатыгар МФЦ- га, ыам ыйын 18 күнүттэн 6-гар диэри геройдар мэтириэттэрин босхо бэчээттиэххэ сөп, онуоха анаан бэтэрээн толору аатын-суолун уонна хаартыскатын биэриэххэ наада.

Өлбөт үйэлээх полк хаамыытыгар геройдар мэтириэттэрэ быйыл Арассыыйа почтатын нөҥүө бэчээттэтиэххэ эмиэ сөп. Онуоха официальнай сайтка киирэн герой хаартыскатын анал формаҕа таһааран, ону тэҥэ бэчээттэммит мэтириэти ыларга табыгастаах почта салаатын индексин ыйыахха наада. Ыларга, ыйыллыбыт салааҕа тиийэн бэтэрээн аатын ааттыахха наада.

Бүтүн дойду үрдүнээҕи хаамыы тэрийээччитинэн «Өлбөт үйэлээх Арассыыйа полката» бүтүн Арассыыйатааҕы общественнай-патриотическай хамсааһын буолар. Дьокуускай куоракка тэрээһини Саха сирин общественнай палатата, «Кыайыы Волонтердара», байыаннай хамсааһын бэтэрээннэрин Ассоциацията, Саха сирин хаһаактара уонна Дьокуускай уокурук дьаһалтатын өйөбүлүнэн ыытыллар.

«Биһиги өйдүүбүт уонна киэн туттабыт… Мин, эһэлэрбит Контоев Александр Михайлович, Кельцинов Иван Иванович, Данилов Василий Спиридонович дойдубут чиэһин көмүскээбиттэрин иһин киэн туттабын, кинилэр дойдуларын уонна оҕолорун туһугар сэрии толоонун алдьархайын эттэринэн-хааннарынан билбиттэрэ.  Хас биирдии куорат олохтооҕун «Өлбөт үйэлээх полкаҕа» кыттыһалларыгар ыҥырабын, биһиги эһэлэрбит мэтириэттэрин харыстыыр, сыаналыыр ытык иэстээхпит!» ,- диэн Раиса Контоева Дьокуускайга «Өлбөт-үйэлээх полк» тэрийээччитэ кэпсээтэ.

Бу тэрээһин Арассыыйа үрдүнэн барытынан ыытыллар. Акция аан бастаан 2012 сыллаахха буолбута. Билигин тэрээһин бары регионнарга, куораттарга, улуустарга уонна онлайн ыытыллар.

Следите за самым важным и интересным в Telegram-канале и WhatsApp-группе ЯСИА