Үрүҥ-тунах Ыһыаҕынан! Ытыктабыллаах куорат олохтоохторо! Үрүҥ-тунах Ыһыаҕынан итиитик-истиҥник эҕэрдэлиибин!
Ыһыах — айылҕа өрөгөйдөөх бырааһынньыга, үйэлэр тухары биһиги өбүгэлэрбит саҕаттан кэлбит олохпутун-дьаһахпытын, сиэрин-туомун чөлүгэр түһэрии, үйэлээҕи уһатыы буолар. Былыр-былыргыттан Ыһыах Саха дьоно үгэстэрин, сиэрин-туомун өйүүр, бөҕөргөтөр улахан суолталаах тэрээһин буолар.
Бүгүҥҥү күҥҥэ Ыһыах туспа суолталанна. Кини дьоҥҥо сөбүлэҥин хайдах сыаналыырга, биһиги элбэх омуктаах судаарыстыбабыт эйэлээх уонна холку олоҕу харыстыырга көмөлөһөр. Быйыл «Туймаада Ыһыаҕа -2023» «Дьокуускай — килбиэннээх үлэ куората» диэн девизтээх ыытыллар уонна анал байыаннай операция кыттыылаахтарыгар ананар.
Өрөспүүбүлүкэ киин куоратын тыһыынчанан олохтооҕо уонна ыалдьыттара биһиги дойдубутун чиэстээхтик көмүскээбит байыаннайдарга анаммыт алгыс тылга түмсүөхтэрэ. Биһиги айыыларбытыгар махтаныахпыт уонна сайыны уруйдуур күммүтүн саҥа үөрүүлээхтик көрсөн, биир дойдулаахтарбытын харыстыыр, кинилэри бөҕөргөтөр, кыайыыннан төрөөбүт дойдуларыгар төннөрөргө көрдөһүөхпүт!
Υрүҥ тунах Ыhыаҕынан! Уруй! Айхал!
Дьокуускай куорат Дууматын бэрэссэдээтэлэ Альберт Семенов
