Саха Өрөспүүбүлүкэтин ОДьКХ Дьааҥытааҕы филиала киин ититиини араарарга бэлэмнэнэр. Тэрилтэ сүрүн инженерэ Владислав Горохов иһитиннэрбитинэн, ититэр ситимнэри сайыҥҥы эрэсиимҥэ көһөрүү ыам ыйын бүтэһик күннэригэр — 28 уонна 29 чыыһылаларга былааннанар,
Бастакынан итиини оройуон «үөһэ» диэн ааттанар нэһилиэнньэлээх пууннарыгар: Дулҕалаахха, Арылаахха, Сартаҥҥа, Боронукка уонна Верхоянскайга биэрии тохтуоҕа. Иккис түһүмэххэ «алларааҥылар», ол иһигэр оройуон киинигэр — Баатаҕай бөһүөлэгэр.
Ититиини толору араарбыттарын кэннэ, хочуолунайдарга былааннаммыт өрөмүөн үлэлэрэ саҕаланыахтара, суруйда «Вести Верхоянья» хаһыат МАХ-ханаала.
