Чурапчы оройуонугар үүнүүнү үрдэтэргэ агродроннары туһаныахтара. Ол туһунан муус устар 27 күнүгэр быһа сибээс кэмигэр Айсен Николаев иһитиннэрдэ. “Чурапчылар «Саха дрона» хампаанньа өйөбүлүнэн хас да агродроны атыыластылар. Быйыл тыа хаһаайыстыбатын култууратын бородууксуйата үрдүүрүгэр үлэлээн барыахтара. Атын регионнар уопуттара бэртээхэй түмүктэри көрдөрөр. Чурапчы улууһугар эмиэ табыллыа диэн эрэнэбин. Салгыы кэҥэтиэхпит», — диэн Айсен Николаев кэпсээтэ.
Ону таһынан Айсен Николаев Саха сирин бырабыыталыстыбатыгар ойуур баһаарын туругун мониториныгар дроннары көхтөөхтүк туттарга сорудах биэрдэ. Ону тэҥэ дроннар Өлүөнэ өрүс нөҥүө аһы-үөлү тиэрдэргэ туттуллаллар. Муус устарга Хаҥалас улууһугар БПЛА көмөтүнэн быраас амбулаторияларыгар уонна ФАП-тан биоматериаллары оройуон киин балыыһатыгар тиэрдиини саҕалаатылар.
