Чакыр нэһилиэгин олохтооҕо, алгысчыт, арчыһыт, кэлиҥҥи кэмҥэ дьоҥҥо-сэргэҕэ киэҥник биһирэммит норуот эмчитэ Светлана Никонова-Хотуулаах Хоһууна тиэргэнин отун оҕустаран, биир кэбиһиилээх оту ылла.
63 саастаах Светлана Ивановна түскэ бэйэтэ турар. “Олорор иэримэ дьиэм Таатта үрэх салаатын тардыытыгар турар буолан, урут-уруккуттан маннык оту ылабын. Бэйэм биир биэлээхпин уонна сибиинньэлээхпин, кинилэргэ анаан оттуубун. Табаарыһым Көстөкүүн Марковтыын иккиэйэҕин бу оту туруордубут”, — диэн элбэх оҕолоох ыал ийэтэ күлэ-үөрэ төлөпүөн нөҥүө сэһэргээтэ.
Ааптар: Сэмэн Жендринскэй
