Быйыл «Олохтоох каадырдары бырамыысыланнаска» бырайыагынан 10 тыһ итэҕэһэ суох киһини үлэнэн хааччыйар сорук турар. Бу туһунан дьарыктаах буолуу судаарыстыбаннай кэмитиэтэ иһитиннэрэр.
Үлэҕэ наадыйааччылары үөрэтиэхтэрэ, эдэр исписэлиистэргэ стажировка тэрийиэхтэрэ.
«Олохтоох каадырдары бырамыысыланнаска» бырайыак 2017 сылтан үлэлиир. 2019 сылга уопсайа 8 тыһ. тахса киһи үлэнэн хааччыллыбыт, 2020-ҕэ – 8,7 тыһ. тахса киһи.
2017 – 2020 сылларга барыта 25 тыһ тахса олохтоох дьон араас үлэнэн, ол иһигэр быстах кэмҥэ, вахтовай ньыманан, хааччыллыбыт. 2020 сылга бырайыагы тутуу, суол хаһаайыстыбата, тырааныспар, энергетика салааларынан кэҥэппиттэр. Барыта 39 улахан хампаанньалары кытары бииргэ үлэлэһиигэ сөбүлэҥ түһэрсиллибит.
