24 Тохсунньу 24.01
  • -48°
  • $ 73,82
  • 83,32

Быраас идэлээхтэри аармыйа оннугар балыыһаҕа үлэлэтиэхтэрэ

Мэдэссиинэ үөрэхтээх аармыйаҕа ыҥырыллааччылар Уһук Илин уокурукка доруобуйа харыстабылыгар бастакы сүһүөхтээх быраас быһыытынан үлэлиэхтэрин сөп, диэн РФ доруобуйа харыстабылын министирин бастакы солбуйааччы Виктор Фисенко сэрэдэҕэ иһитиннэрдэ. Бу көҕүлээһин губернатордары уонна урбаан министиэристибэтин кытары ырытыыны ааста, диэн ТАСС биллэрэр.

«Уһук Илин уокурукка вахтовай ньыма сөп түбэһэр диэн толкуйдаатыбыт. Биһиги аармыйаҕа ыҥырыллар мэдэссиинэ үөрэхтээх эдэр киһи Уһук Илин кэлэн, доруобуйа харыстабылын бастакы сүһүөҕэр үлэлиирэ быдан туһалаах буолуо этэ дии саныыбыт», — диэн Виктор Фисенко Уһук Илин, Арктика уонна Антарктика боппуруостарыгар Федерация Сэбиэтин мунньаҕар иһитиннэрдэ.

0
0
24 января 24.01
  • -48°
  • $ 73,82
  • 83,32