25 От ыйа 25.07
  • 21°
  • $ 86,55
  • 94,38

Быйылгы бүттүүн дьыктаан Дьокуускайга кииннэниэ

11:06, 08 февраля 2021
Текст:
Читайте нас на
Яндекс Новости
ЯДВ

Быйылгы бүттүүн (тотальнай) дьыктаан киининэн Дьокуускай куорат буолла. Маннык быһаарыыны бэҕэһээ, олунньу 7 күнүгэр тэрийэр хамыыһыйа экспертэрэ ылыннылар.


Дьыктааны бэйэтигэр ыытар иһин күрэххэ Дьокуускай, Рязань, Салехард, Саранск, Ярославль уонна Томск куораттара түмүктүүр түһүмэххэ кииристилэр. Хас биирдии куорат бэйэтин бырайыагын «Ночные снайперы» рок бөлөх салайааччыта Диана Арбенина, суруйааччы Дмитрий Глуховскай, gramota.ru портал кылаабынай редактора Владимир Пахомов, Новосибирскай уобалас култуураҕа миниистирин солбуйааччы Евгений Сазонов, ТАСС пресс-киинин салайааччы Николай Яковлев уо.д.а. сыаналаатылар.

Дьокуускай куорат бырайыагы көмүскүүр бөлөҕө 2013 сылтан уопсайа 8000 тахса киһи аахсыйаҕа кыттыбытын, дьыктаан суруйуутугар элбэх дьону кытыннарар туһуттан ХИФУ «Сэргэлээх уоттара» атриуму сүрүн былаһаакка оҥостору, итини таһынан сорох кыттааччылары дьыктааны Ирбэт тоҥ саарыстыбатыгар суруйалларын эттилэр.

Күрэх түмүгүнэн бу сыл муус устар 10 күнүгэр бүттүүн дьыктаан Дьокуускайга ыытыллар буолла.

Ити күн дьыктааны тиэкис ааптара биллэр суруйааччы Дмитрий Глуховскай ааҕыа. Кини дьон биһирэбилин киэҥник ылбыт «Метро 2033», «Текст», «Сумерки» диэн кинигэлэринэн биллэр. Дьыктааҥҥа 250 киһи кыттара сабаҕаланар.

Бүттүүн дьыктаан Арасыыйаҕа 2011 сылтан ыытыллар. Кыттааччы ахсаана сылын аайы эбиллэн, бүтэһигин 236 тыһ киһи кыттыыны ылбыт. Уопсайа 81 дойдуга, 1200 куоракка ыытыллар.

Следите за самым важным и интересным в Telegram-канале и WhatsApp-группе ЯСИА