Мэҥэ Хаҥалас улууһун Балыктаах нэһилиэгэр 28 эр киһи мустан, анал байыаннай дьайыы кыттыылаахтарыгар, кинилэр дьиэ кэргэннэригэр уонна тыыл бэтэрээннэригэр анаан саһаан бэлэмнээһинигэр субуотунньуктаата.
Үтүө дьыаланы баһылык Ньургун Габышев көҕүлээтэ.
Үс тыраахтыр үлэлээтэ. Ону таһынан, эмиэ субуотунньугунан алта тыраахтарынан шлак таһаннар, Сотников аатынан уулуссаҕа, автопаарка сыырыгар уу хайа сүүрүөн сөптөөх сирдэригэр туһанарга диэн бэлэмнээһин үлэтэ ыытылынна.
Ыччат дьон мустан табаарыстарыгар Павел Кычкиҥҥа саҥа туттар дьиэтин акылаатын маһын эриэннээһиҥҥэ субуотунньуктаан көмөлөстүлэр, суруйда «Эркээйи» хаһыат МАХ ханаала.
