2026 сыл балаҕан ыйын 1 күнүттэн Арассыыйа 9–10 кылааһын үөрэнээччилэрэ обществознание саҥа учебниктарынан үөрэниэхтэрэ. Бу туһунан «Известия» хаһыат бэрэсидьиэн гуманитарнай эйгэҕэ судаарыстыбаннай бэлиитикэтин управлениетын референа, историяҕа уонна обществознаниеҕа учебниктар биир кэлим линейкаларын эппиэттээх сэкирэтээрэ Владислав Кононовка сигэнэн иһитиннэрэр.
Кононов этэринэн, 11-с кылаастар быйыл эргэ кууруһу салгыы үөрэтиэхтэрэ, оттон кинилэргэ саҥа учебниктары 2027 сыл балаҕан ыйын 1 күнүттэн киллэриэхтэрэ.
Эрдэ РФ үөрэҕириитин министиэристибэтигэр оҕо саадтарын, оскуолалары, колледжтары уонна үрдүк үөрэх кыһаларын хабар историческай сырдатыы кэнсиэпсийэтин бигэргэппиттэрэ. Докумуон ыччакка бүтүн Россиятааҕы гражданскай идентичность үөскээһинин сүрүн механизмнарын олохтуур.
