Алтынньы 1 күнүттэн бырабыыталыстыба байыаннай дуоһунастарга уонна чыыннарга хамнаһы үрдэтэр былааннаах. 2026-2028 сылларга бүддьүөт барылыгар сыллата 4 бырыһыанынан индексация былааннанар. Ол эрээри 2025 сылга Оборона миниистирин бирикээһинэн былааннаммыт үрдэтии 7,6 бырыһыаҥҥа тэҥнэстэ. Быйыл эбии харчы кээмэйэ өссө биллибэт, ол эрээри бырабыыталыстыба былааннаабыт кээмэйиттэн кыра буолуо суохтаах, суруйда Саха парламент саайт.
Уларыйыылар хантараагынан байыаннай сулууспаны ааһар байыаннайдарга, Росгвардия анал чыыннаах үлэһиттэригэр, ис дьыала уорганнарын үлэһиттэригэр, холуобунай-толорор систиэмэ тэрилтэлэригэр уонна уорганнарыгар, күһэйэн толорторуу уорганнарыгар, бэдэрээлинэй баһаарынай сулууспа үлэһиттэригэр, таможня үлэһиттэригэр уонна бэдэрээлинэй фельдъегерскай сибээс уорганнарын салайар састаабыгар сыһыаннаахтар.
Тылбаас: Артур Харбанов
