27 Ыам ыйа 27.05
  • -7°
  • $ 104,68
  • 115,6

Бүлүү эбэни туоруур муостаны бырайыактааһыҥҥа чинчийэр үлэ саҕаланна

Бүлүү өрүһү туоруур муостаны бырайыактааһыҥҥа чинчийии үлэтэ саҕаланна. Эбийиэк «Бүлүү» А-331 федеральнай айан суолун 660 км ааһыахтаах, диэн «Бүлүү» суол управлениета СИА-ҕа иһитиннэрдэ. 


Сотору кэминэн бэдэрээччит тэрилтэ геодезическай устуу оҥоруохтаах, муоста ааһар оройуонун геологиятын үөрэтиэхтээх, гидрологическай кэмнээһини ыытыахтаах. Ылыллыбыт түмүктэринэн муостаны уонна киирэр-тахсар суолларын бырайыактааһыҥҥа ылсан барыахтаах. Бырайыактааһыҥҥа Үөһээ Бүлүү оройуонун олохтоохторун интэриэстэрэ учуотанар диэн иһитиннэрдилэр. 

Үөһээ Бүлүү бөһүөлэгин аннынан өрүһү туоруур муоста уһуна 1,7 км кэриҥэ, киирэр-тахсар суола — 20 км. (суол III техническай категориялаах). Тутуу саҕаланыыта 2021 сылга былааннанар. Бырыайыак бигэргэммитин, бэдэрээччит талыллыбытын кэннэ. Эбийиэк федеральнай үбүнэн оҥоһуллар. Муоста үлэҕэ киирдэҕинэ Дьокуускай — Ньурба хайысханан сылы эргиччи туох да хааччаҕа суох суол арыллар. 

Следите за самым важным и интересным в Telegram-канале и WhatsApp-группе ЯСИА
0
0