15 От ыйа 15.07
  • 28°
  • $ 87,74
  • 95,76

Өбүгэ үтүө үгэһин билиигэ 125 оҕо тургутууну ааста

16:02, 17 февраля 2021
Текст:
Читайте нас на
Яндекс Новости
ЯДВ

Төрөөбүт тыл уонна сурук-бичик күнүгэр аналлаах олунньу 10-15 күннэригэр өрөспүүбүлүкэтээҕи «Өбүгэм үтүө үгэстэрэ» онлайн-квиз булолан ааста. Оҕону кыра сааһыттан сахалыы тыыҥҥа иитии уонна өбүгэлэрбит олохторун-дьаһахтарын билиһиннэрэр сыаллаах оонньуу ZOOM платформатыгар буолла.


Куонкуруска 10 улуустан уонна Дьокуускай куораттан уопсайа 25 хамаанда, 125 үөрэнээччи көхтөөх кыттыыны ылла.

«Өбүгэм үтүө үгэстэрэ» онлайн-квиз түмүгүнэн кыайыылаах хамаандалар билиннилэр.

Финалистар:

— «Боотурдар» хамаанда, Мииринэй улууһа, Таас Үрэх, №9-дээх Р.В. Лонкунов аатынан оскуола. Салайааччы: Кычкина Айталина Елисеевна. Хас биирдии оҕо «АЛТАН» IT-оскуолаттан сертификат ылла.

— «Сулус» хамаанда, Дьокуускай куораттааҕы 31-с №-дээх оскуола. Салайааччы  Семенова Ольга Дмитриевна. Оҕолор «Сайдыс» оҕону сайыннарар киинтэн сертификаттары туттулар.

3 миэстэ: «Сулусчаан» хамаанда, Бүлүү улууһа, М.А. Алексеев аатынан Баппаҕаайы орто оскуолата. Салайааччы: Оленева Светлана Дмитриевна. «I Speak English» омук тылы үөрэтэр киинтэн сертификат кыайдылар.

2 миэстэ: «Тобул» хамаанда, Дьокуускай куораттааҕы «Айыы кыһата» оскуола. Салайааччы: Винокурова Айталина Елисеевна. Хамаанда 5000 солк тутта.

1 миэстэ: «Быччыылык быыкаалара» хамаанда, Уус Алдан улууһа, И.В. Пухов аатынан Окоемовка сүрүн оскуолата. Салайааччы: Рожина Иванна Ивановна. Кыайыылаах хамаанда 8000 солк ылла.

Финалга киирбит оҕолор бары «Лена» киинэ тыйаатырыттан, Саха тыйаатырыттан, «Чочур Муран» этнографическай комплекстан сертификаттары туттулар.

Ону таһынан Ноговицыннар дьиэ кэргэн «Саһыл бытык сыдьааннара» хамаандаҕа (Томпо оройуонун “Е.Е. Протопопов аатынан Саһыл орто уопсай үөрэхтээһин оскуолата”) “Бастыҥ визитка” диэн анал аат олохтоотулар.

«Маннык тэрээһиннэр оҕолор норуоттарын култууратын, үгэстэрин туhунан киэҥ өйдөбүлү, билиини ылалларыгар көмө буолаллар. «Сайдыс» оҕону сайыннарар киин өссө да бу курдук аныгылыы хабааннаах онлайн-күрэстэри ыытар былааннаах«, — диэн СИА-ҕа суруйда Юлия Андросова, «Сайдыс» оҕону сайыннарар киинтэн.

Следите за самым важным и интересным в Telegram-канале и WhatsApp-группе ЯСИА