14 От ыйа 14.07
  • 25°
  • $ 87,74
  • 95,76

Атырдьах ыйын 6 күнэ. Хиросима күнэ - Бикипиэдьийэ

09:01, 06 августа 2021
Текст:
Читайте нас на
Яндекс Новости
ЯДВ

Саха итэҕэлигэр сайыны анаарыы — көстөн ааспыт сайыҥҥы чээлэй күөҕү атаарыы күнэ.

1889 сыллаахха бүтэһик бэрчээккитэ суох бокс матча ыытыллыбыт.

1925 сыллаахха Алдаҥҥа көмүс көстүбүтэ икки сыл ааспытын кэннэ ЯЦИК быһаарыытынан Алдан уокуруга тэриллибит.

Бүгүн Арассыыйа үтүөлээх, Саха Өрөспүүбүлүкэтин норуодунай артыыһа Альбина Кычкина-Борисова төрөөбүт күнэ. 


Бэлиэ күннэр:

Түбэлтэлэр:

  • 1851 — Кытай уонна Арассыыйа Кулдьатааҕы сөбүлэҥҥэ илии баттаабыттар, бу дойдулар ыккардыларыгар атыы-эргиэн саҕаламмыт.
  • 1889 — Бүтэһик бэрчээккитэ суох бокс матча ыытыллыбыт.
  • 1914 — Австро-Венгрия Арассыыйаҕа сэриини биллэрбит. Сербия Германияҕа сэриини биллэрбит.
  • 1917 — Керенскэй бэрэстээтэллээх иккис Быстах кэм бырабыытыластыбата тэриллибит.
  • 1918 — үрүҥнэр Казань куораты ылбыттар.
  • 1925 — Алдаҥҥа көмүс көстүбүтэ икки сыл ааспытын кэннэ ЯЦИК быһаарыытынан Алдан уокуруга тэриллибит. Кини састаабыгар Дьокуускай уокуругуттан Алдан — Төмтөөн оройуона уонна Өлүөхүмэ уокуругуттан Тунгиир — Өлүөхүмэ оройуона киирбиттэрэ.
  • 1932 — Бастакы Венециятааҕы киинэ бэстибээлэ аһыллыбыт.
  • 1940 — Эстония ССРС састаабыгар киирбит.
  • 1945 — Аан дойду иккис сэриитэ бүтүүтүн саҕана Дьоппуоҥҥа Хиросима куоратыгар АХШ атомнай буомба бырахпыт. Хиросима барыта урусхалламмыт, 70 000 кэриҥэ киһи тута өлбүт, уонна хас да уонунан тыһыынча киһи кэлин уокка сиэтииттэн уонна радиацияттан өлбүттэр.
  • 1991 — Тим Бернерс-Ли аан ситими ойуулуур тиэкистэри бэчээттээбит, WWW ким баҕарар туһанар ситимэ буолбут.
  • 2012 — «Кьюриосити» марсоход Марска түспүт.
  • 2014 — Бэрэсидьиэн Владимир Путин ыйааҕынан Арассыыйаҕа аһы-үөлү кыраныысса таһыттан киллэрии хааччахтаммыт (ЕС дойдуларыттан, США-ттан, Канаадаттан, Австралияттан уонна Норвегияттан балыгы, эти, оҕуруот аһын уонна фруктаны аҕалыы бобуллубут).

Төрөөбүттэр:

  • 1844 — Яков Санников (1908 өлб.) — нуучча уонна омук полярниктарыгар сүҥкэн үтүөнү-өҥөнү оҥорбут саха атыыһыта. Хотулары аһынан-таҥаһынан хааччыйара, түүлээҕинэн эргинэрэ. Дьиэтэ Дьокуускайга Эргэ Куоракка билигин да турар. Уҥуоҕа Булуҥ улууһугар Өлүөнэ кытылыгар баар.
  • 1928 — Энди Уорхол — XX үйэ иккис аҥарыгар ордук биллэр Америка худуоһунньуга.
  • 1936 — Светлана Федосеева (2017 өлб.) — археолог, РАЕН бочуоттаах академига, СӨ Академиятын чилиэнэ, устуоруйа билимин дуоктара.
  • 1957 — Альбина Кычкина-Борисова — Арассыыйа үтүөлээх, Саха Өрөспүүбүлүкэтин норуодунай артыыһа.

Өлбүттэр:

Следите за самым важным и интересным в Telegram-канале и WhatsApp-группе ЯСИА