25 От ыйа 25.07
  • 29°
  • $ 86,55
  • 94,38

Атырдьах ыйын 17 күнэ. Арассыыйаҕа дефолт биллэриллибит - Бикипиэдьийэ

09:01, 17 августа 2021
Текст:
Читайте нас на
Яндекс Новости
ЯДВ

Бүгүн Арассыыйаҕа салабаар күнэ бэлиэтэнэр.

1903 сыллаахха Джозеф Пулитцер суруналыыстарга Пулитцер бириэмийэтин олохтообут.

Аан дойду иккис сэриитэ бүтүүтүгэр Индонезия тутулуга суоҕун биллэрбит.

1977 сыллаахха «Арктика» сэбиэскэй атомнай ледокол Хотугу полюска тиийбит.

1998 сыллаахха Сергей Кириенко салайар РФ бырабыыталыстыбата дефолт биллэрбит. Арассыыйа саамай дириҥ кириисистэриттэн биирдэстэрэ саҕаламмыт. 


Бэлиэ күннэр:

Түбэлтэлэр:

  • 1502 — Христофор Колумб Гондурас сирин Испания бас билиитинэн биллэрбит.
  • 1771 — Англия учуонайа Джозеф Пристли фотосинтез көстүүтүн арыйбыт. Умайыы эбэтэр тыыныы түмүгэр буомурбут салгын күөх үүнээйи дьайыытынан төттөрү тыынарга табыгастаах буоларын бэлиэтии көрбүт.
  • 1903 — Джозеф Пулитцер суруналыыстарга Пулитцер бириэмийэтин олохтообут.
  • 1908 — «Фантасмагория» диэн бастакы мультфильм Парижка көрдөрүллүбүт.
  • 1913 — Онтарио штатын (Канаада) үөрэхтээһин департаамена француз тылынан үөрэтиини боппут.
  • 1918 — Бассабыыктар баһылыктарыттан биирдэстэрэ Моисей Урицкайы өлөрбүттэр.
  • 1934 — ССРС суруйааччыларын Бүтүн сойуустааҕы бастакы сийиэстэрэ буолбут. Былатыан Ойуунускай бырабылыанньа чилиэнинэн талыллыбыт.
  • 1945 — Аан дойду иккис сэриитэ бүтүүтүгэр Индонезия тутулуга суоҕун биллэрбит. Бу дойдуну үйэ кэриҥэ баһылаан олорбут Нидерланды ону билиммэтэх, инньэ гынан 4 сыллаах босхолонуу сэриитэ саҕаламмыт.
  • 1955 сыллаахха саха буруйа суох репрессияламмыт элбэх дьонун ааттарын сырдыкка таһаарбыт учуонай Ираида Клиорина толору реабилитацияламмыт. Кини бэйэтэ уонтан тахса сыл лааҕырга, ол кэнниттэн көскө олорбута.
  • 1977 — «Арктика» сэбиэскэй атомнай ледокол Хотугу полюска тиийбит.
  • 1998 — Сергей Кириенко салайар РФ бырабыыталыстыбата дефолт (ол аата иэһин кэмигэр төлүүр кыаҕа суоҕун туһунан) биллэрбит уонна солкуобай куурсун өйүүр бэлиитикэтин тохтоппут. Арассыыйа саамай дириҥ кириисистэриттэн биирдэстэрэ саҕаламмыт. Бу төрүөтүнэн аһара улахан бүддьүөт ороскуота (Госдума сарбыйартан аккаастаммытын түмүгэр) уонна аан дойдуга ньиэп сыаната түһүүтэ, Азияҕа 1997 сыллааҕы кириисис буолбуттар.
  • 1999 — Туурсуйаҕа Измит диэн сиргэ сир хамсааһына буолбут, 17 тыһыынча киһи өлбүт.
  • 2009 — Хакасияҕа Саян-Шушенскай быһыкка саахал буолбут, 75 киһи өлбүт.

Төрөөбүттэр:

Өлбүттэр:

  • 1972 — Байкаалга тыыта түҥнэстэн Александр Вампилов (1937 төр.), драматург. Аҕатын — бүрээт учууталын — панмонголизмҥа буруйдаан 1938 сыллаахха суутунан ытан өлөрбүттэрэ.
Следите за самым важным и интересным в Telegram-канале и WhatsApp-группе ЯСИА