Астролог Ольга Архангельская «Известияҕа» 2022 сылы Халлаан күөх (Хара) Уу Тигрын сылын хайдах өҥнөөх уонна ханнык быраабылалары тутуһан көрсөр туһунан кэпсээтэ.
Эксперт этэринэн, 2022 сыл энергичнай буолара күүтүллэр, ол иһин күүһү-кыаҕы айар-тутар хайысхаҕа ыытар ордук. Күүстээх санаалаах, хорсун уонна быһаарыылаах, сыалы ситиһэргэ дьулуһар наадата ыйыллар.
«Тигр сиэрэ суох быһыыланыыны сөбүлээбэт. Мөлтөх дьону атаҕастыыр сатаммат. Уу стихията кыыл темпераменын уонна дохсунун сымнатан, дипломатичнай буолууну уонна сымнаан биэриини киллэриэҕэ. Бу кыыл сүрүнэ — ыраахтааҕы. Тигр конкуренцияны тулуйбат, онон Саҥа дьылы олус харахха быраҕыллар таҥастаах көрсүмэҥ», — диир Архангельская.
Таҥаска уонна интерьер дьүһүнүгэр кумах өҥө, сырдык халлаан күөх, кыһыл көмүс, бирюзовай, хоҥор уонна халлаан күөх буолара ордук. Маны тэҥэ муора долгуна уонна хара өҥ барсаллар.
«Дьиэ илин хайысхатынан декоративнай уоттаах фонтанчик уурар ордук, онно эбии Тигр ойуулаах хартыына, статуэтка баар буоллаҕына — сыл хаһаайына үөрүөҕэ. Остуолга бастыҥ иһиккитин ууруҥ. Остуол киэргэтиитин көстүүтэ наһаа баай-талым буолара наадата суох, ити эрээри туох эрэ ураты «шиктаах» буолуохтаах», — диэтэ астролог.
Ынах этэ, муора бородууктата, айылҕа көтөрө, аһыы приправа уонна соус, гаастаах уу, корейскай куухуна, курууппалар уонна злактар, балык ууруллубаттара ордук.
Куурусса, индейка, куруолук, хаас, бараан этэ, фрукта, оҕуруот аһа сөп гынар.
