29 Кулун тутар 29.03
  • -13°
  • $ 92,26
  • 99,71

Арассыыйа оскуолаларыгар суудуна уонна авиация хайысхалаах инженернэй кылаастары тэрийиэхтэрэ

Читайте нас на
Яндекс Новости
ЯДВ

РФ үөрэҕин министиэристибэтэ оскуолаларга суудуна уонна авиация хайысхалаах инженернэй кылаастары  тэрийэр туһунан сүбэлээтэ диэн ТАСС кэпсиир.

«Арассыыйа үөрэҕин министиэристибэтэ суудуна уонна авиация тутар хайысхалаах инженернэй кылаастары тэрийэр методическай этиилэри оҥордо. Бастакы маннык кылаастар эһиил тэриллиэхтэрэ. Онно математикаҕа, физикаҕа уонна информатикаҕа үрдүк ситиһиилэри көрдөрбүт оскуола оҕолоро үөрэниэхтэрин сөп«, — диэн иһитиннэрдилэр.

Этиилэргэ хайдах оскуолалар бу хайысханан үлэлииллэрэ табыгастааҕын эмиэ суруйдулар. Бу анал критерийдэргэ уопсай уонна эбии үөрэх бырагырааматыгар, кабинеттар схемаларыгар, сүрүн ирдэбиллэригэр диэри барытын киллэрдилэр.

Маннык кылаастары тэрийии уонна үлэлэтии үөрэнээччилэри базовай естественнай-научнай дисциплиналарга дириҥ үөрэхтээһини хааччыйыаҕа, итиэннэ «оскуола- үрдүк үөрэх — тэрилтэ» хайысхаҕа профориентация усулуобуйатын тэрийиэҕэ, диэн иһитиннэриигэ этилиннэ.

Следите за самым важным и интересным в Telegram-канале и WhatsApp-группе ЯСИА