24 Тохсунньу 24.01
  • -48°
  • $ 73,82
  • 83,32

“Амма кырдалын ыччата” өрөспүүбүлүкэ эдэр дьонун түмтэ

18:01, 22 июля 2016

Бу күннэргэ Таатта улууһун Чычымаҕар ыччат үөрэхтээһинин III региональнай форума үлэлээтэ. Манна өрөспүүбүлүкэ 13 улууһун араас нэһилиэктэриттэн көхтөөх ыччат кэлэн, алта хайысханан үөрэннэ. 


Үөрэхтээһин форума өрөспүүбүлүкэҕэ киэҥник биллэр Ольга Иванова-Сидоркевич аатынан «Амма кырдалын ыччата» улуустар икки ардыларынааҕы коммерческайа суох ыччат уопсастыбаннай тэрилтэтэ тэрийиитинэн барда. Кэрэхсэбиллээҕэ баар, суолталаах тэрээһиҥҥэ Өлөөн, Бүлүү, Кэбээйи ыраах улуустартан кытта кэлбиттэр.

Кыыс Амма кырдалыгар олорор Таатта, Чурапчы, Амма улуустарын нэһилиэктэрэ быйылгы тэрээһиннэрин үһүс төгүлүн ыыттылар. Бастакы форум Амма Покровкатыгар, иккис Чурапчы Мындаҕаайытыгар буолбуттара. Үһүс форум Таатта Чычымаҕар “Дьаам” туристическай базатыгар ыытылынна.

Быйылгы ыччат үөрэхтээһинин форума Өксөкүлээх Өлөксөй 140 сылыгар ананна. Ол иһин Амма өрүскэ сүгүрүйүү Мэҥэ тааһын уонна “Кыыс Аммаҕа кырдалыҥ ыччаттарыттан” диэн анал сэргэни туруоруу сиэрин-туомун лиидэр ыччаттар улуу бөлүһүөк төрөөбүт нэһилиэгэр кэлэн оҥордулар, — диэн кэпсиир “Амма кырдалын ыччата” уопсастыбаннай тэрилтэ салайааччыта Саргылаана Неустроева.

20160720_160949_resized

“Амма кырдалын ыччата” тэрээһин уопутун атастаһа Нам, Үөһээ Бүлүү, Бүлүү нэһилиэктэрин баһылыктара кэлэн көрөн-истэн бардылар. Онон эһиилгиттэн бу тэрээһин киэҥ далааһыннанан, өрөспүүбүлүкэ улуустарын устун тарҕаныаҕа.

0
0
24 января 24.01
  • -48°
  • $ 73,82
  • 83,32