13 От ыйа 13.07
  • 24°
  • $ 87,74
  • 95,76

Алексей Еремеев: «Норуот дьокутааттара Ил Дархан туруорбут соруктарын толорорго үлэлиэхтэрэ»

15:03, 20 декабря 2022
Текст:
Читайте нас на
Яндекс Новости
ЯДВ

Бүгүн Ил Дархан Айсен Николаев Ил Түмэн дьокутааттарыгар уонна Саха сирин олохтоохторугар Анал этиитин иһитиннэрдэ.

Алексей Еремеев, Судаарыстыбаннай Мунньах бэрэссэдээтэлэ:

— Бүгүн Ил Дархан Анал этиитин бырамыысыланнас туруктаах сайдыытыгар, аныгы магистральнай уонна энэргэтиичэскэй инфраструктураны тэрийиигэ, Саха сирин олохтоохторугар судаарыстыбанан мэктиэлэммит босхо мэдиссиинэнэн хааччыйыыга, территорияны кэлимник сайыннарыыга, тыа хаһаайыстыбатын уонна урбаан эйгэтин өйөөһүҥҥэ, олоҕу сүрүннүүр хайысхаларга туһулаата.

Кини этиитигэр ураты болҕомтону Арктика сайдыытыгар уурда. Сибиир, Хоту сир уонна Арктика сайдыытыгар кэлиҥҥи сылларга улахан үлэ барар. Ил Дархан Айсен Николаев Анал этиитигэр эппитин курдук, тас дойдуларга Арассыыйаны утары ылыммыт хааччахтыыр сааҥсыйалар өрөспүүбүлүкэ социальнай-экэнэмиичэскэй сайдыытын тэтимигэр сабыдыаллаабаттарын тоһоҕолоон бэлиэтиэхпин баҕарабын.

Саха Өрөспүүбүлүкэтин баһылыга Айсен Николаев Ил Түмэҥҥэ Анал этиитин олоххо киллэриигэ сөбүлэһиннэриллибит былаан оҥоһуллуоҕа уонна норуот дьокутааттара бүгүн туруоруллубут соруктары толорорго бары кыахтарын туһанан үлэлиэхтэрэ.

Следите за самым важным и интересным в Telegram-канале и WhatsApp-группе ЯСИА