28 Бэс ыйа 28.06
  • -7°
  • $ 104,68
  • 115,6

"Агростартап-2022" грантистарыгар салгыы үлэлэригэр семинар буолла

Бүгүн тыа хаһаайыстыбатын министиэристибэтигэр «Агростартап-2022» кыайыылаахтарыгар анаан семинар буолла. Быйылгы куонкурус иккис түһүмэҕэр 126 сайаапкалаах ааспытыттан, 18 киһи агрогрант ылла.

Билигин министиэристибэ бирикээһэ тахсан, грантистар салгыы докумуоннарын оҥостоллоругар консультациялар буолаллар. Ол эбэтэр нолуок уорганыгар ИП статуһун ылыыга регистрацияҕа, электроннай илии баттааһынын оҥостууга уонна предприниматель анал счетун арыныытыгар сүбэлэр бэриллэллэр.

«Тыа сиригэр үлэ миэстэтин таһааран, тыа хаһаайыстыбатын бородууксуйатын оҥорон дэлэтэн, онтон дохуот аахсыыга бизнес-былааннарын бырайыактарын оҥостубут фермердарга ситиһиини баҕарабыт. Быйылгы куонкурус уратылаах буолла. Урукку сылларга биир миэстэҕэ 3-4 киһи киирсэр эбит буоллаҕына, быйыл 8-9 киһи«, — диэн кыра фермерскай хаһаайыстыбаларга уонна кээпэрэтииптэргэ дераптамент салайааччытын солбуйааччы, хамыыһыйа чилиэнэ Айаал Тимофеев эттэ.

Федеральнайдааҕы бырагыраама Бэрээдэгин быһыытынан, судаарыстыбаннай бюджеттан субсидия ылбыт киһи, үлэлииргэ сөбүлэҥ түһэрсэр. Салгыы бизнес-былаанын быһыытынан үлэтин саҕалыыр.

Грантистар тэрээһин үлэлэригэр Ресурснай киин уонна «Сигма-Актив» тэрилтэ көмөлөһөллөр.

Следите за самым важным и интересным в Telegram-канале и WhatsApp-группе ЯСИА
1
0