Саха сиригэр атырдьах ыйын 25 күнүгэр коронавируһунан 582 киһи ыарыйда. Бу кулун тутар 9 күнүттэн муҥутуур көрдөрүү, ол саҕана хамсык ыарыыга 425 киһи хаптарбыта.
Өрөспүүбүлүкэтээҕи оперштаб иһитиннэрэринэн, саамай элбэх киһи Дьокуускайга ыалдьыбыт— 425.
Улуустарга: Мэҥэ Хаҥаласка – 19,
Хаҥаласка – 15,
Бүлүүгэ – 12,
Миирнэйгэ – 11,
Намҥа, Ньурбаҕа – 10-нуу,
Нерюнгрига, Уус-Алдаҥҥа – 8-тыы,
Чурапчыга – 7,
Үөһээ Бүлүүгэ, Горнайга, Эдьигээҥҥэ, Муомаҕа, Сунтаарга – 5-тии,
Алдан, Амма, Ленскэй, Өлүөхүмэ, Таатта оройуоннарыгар — 4-түү,
Өлүөхүмэ, Томпо оройуоннарыгар -3- түү,
Кэбээйигэ-2,
Абый, Аллараа Халыма, Өймөкөөн, Эбээн-Бытантай оройуоннарыгар -1-дии.
Сууккаҕа өрөспүүбүлүкэ лабораториялара коронавируснай инфекцияҕа 4 254 чинчийиини ыыттылар. Пандемия саҕаланыаҕыттан барыта 2 482 245 тест оҥоһуллубут.
