22 От ыйа 22.07
  • 15°
  • $ 88,02
  • 96,04

25 герой буойун-саха аата «Лица Победы» бырайыакка киллэрилиннэ

Читайте нас на
Яндекс Новости
ЯДВ

Россияҕа Аҕа дойду геройдарын күнүн көрсө 25 буойун-саха — Сэбиэскэй Союз Геройдарын аата «Лица Победы» норуот историческай бырайыагар киллэрилиннэ.

Презентация Москваҕа Саха сирин күннэрин уонна Кыайыы Музейыгар «Поклон героям всех времен» патриотическай акция чэрчитинэн ыытылынна, суруйар СИА.

«Лица Победы» — байыаннай кэм көлүөнэлэрин өйдөбүнньүк оҥорууга саамай киэҥ бырайыак. Фронтовиктар, партизаннар, медүлэһиттэр уонна тэрилтэ үлэһиттэрэ, дьон — Кыайыыга хас биирдиилэрэ кылааттарын киллэрбиттэрэ.

Саха Геройдарын «Лица Победы» бырайыакка киллэрэр туһунан этиини Кыайыы музейын салалтата эппитэ. Геройдарбыт – Николай Кондаков, Владимир Лонгинов, Федор Охлопков, Николай Чусовской, Сергей Асямов уонна 20 Аҕа дойду улуу сэриитин кыттыылаахтара.

Баһылык Айсен Николаев эппитинэн, саха норуота – уруккуттан баччаҕа диэри дойду көмүскэлин туһугар халбаҥнаабат санаалаах хорсун дьон. «Биһиги эбээһинэспит – норуот историческай өйдөбүлүн өлбөөдүппэккэ харыстааһын, сэрии туһунан кырдьыгы эдэр көлүөнэҕэ тириэрдии, ыччаты кыайыылаах норуот өйдөбүлүгэр иитии. Норуот историческай бырайыагар, мөлүйүөнүнэн биир дойдулаахтарбыт дьылаҕалара холбоммут сиригэр, биһиги 25 герой буойуммут хаартыскаларын тиксэрдибит. Кинилэр тустарынан өйдөбүл биһигини биир сыалга сирдиир, биһиги Кыайыахпыт!» — диэтэ Айсен Николаев.

Хаартыска Андрей Сорокин, СИА

Следите за самым важным и интересным в Telegram-канале и WhatsApp-группе ЯСИА