«Культура» нацбырайыагынан Саха сиригэр 2023 сылга икки култуура дьиэтэ тутуллар. Чурапчы Толоонугар уонна Сунтаар Кириэстээҕэр.
Саха сиригэр «Культура» национальнай бырайыагынан саҥа эбийиэктэр тутуулара саҕаланалларын култуура миниистирэ Юрий Куприянов эттэ.
Маны сэргэ, Сунтаар Кэмпэндээйитигэр култуура дьиэтэ уонна Бүлүү Тыымпытыгар элбэх кэрдиистээх култуура киинэ үлэҕэ киириэхтээхтэр.
Быйыл Саха сирэ аан бастаан алта муниципальнай музей өрөмүөнүгэр уонна саҥардыытыгар харчы ылар. 2023 сылга федеральнай бюджеттан «Культура» нацбырайыагы олоххо киллэриигэ регион барыта 500 мөл солк ылла, бу ааспыт сылы кытта тэҥнээтэххэ 127 мөл солк элбэх.
Үбүлээһин сүрүннээн тоҕус искусство оскуолатыгар, кулууптары өрөмүөннээһиҥҥэ уонна модельнай бибилэтиэкэлэри оҥорууга бэрилиннэ.
