25 От ыйа 25.07
  • 18°
  • $ 86,55
  • 94,38

2022 сылга "Азия оҕолоро" оонньуулары Приморьеҕа ыытары былаанныыллар

13:01, 11 декабря 2020
Текст:
Читайте нас на
Яндекс Новости
ЯДВ

2022 сылга VII-с сайыҥҥы «Азия оҕолоро» оонньуу Приморьеҕа ыытыллыахтарын сөбүн туһунан Приморскай кыраай губернатора Олег Кожемяко Арассыыйа бэрэсидьиэнин Уһук Илиҥҥэ бэрэстэбиитэлэ Юрий Трутнев Сэбиэтин мунньаҕын кэмигэр СИАҕа иһитиннэрдэ.


Оонньуулар Приморьеҕа ыытыллаллара бигэргэннэҕинэ Саха сирэ тэрээһин үлэтигэр көмөлөһүө.

«Кыһыҥҥы оонньуулар Сахалиҥҥа ыытыллыбыттара. Сайыҥҥыны Приморьеҕа ыытары туруорсабыт. Өскөтүн биһиги этиибитин өйөөтөхтөрүнэ, Саха сирин исписэлиистэрин тэрээһин үлэтигэр көмөҕө ыҥырыахпыт», — диэтэ Кожемяко.

«Азия оҕолоро» норуоттар ардыларынааҕы оонньуулар бастакытын 1996 сыллаахха Дьокуускайга ыытыллыбыттара. 2016 сыллаахха 39 дойдуттан 4 тыһыынчаттан тахса спортсмен кыттыыны ылбыта. Билигин оҕолор Оонньуулара аан дойдутааҕы олимпийскай кэмитиэт уонна ЮНЕСКО өйөбүллэринэн ыытыллаллар.

Следите за самым важным и интересным в Telegram-канале и WhatsApp-группе ЯСИА