23 Тохсунньу 23.01
  • -48°
  • $ 73,82
  • 83,32

2021 сылга үрдүк үөрэххэ киириигэ чэпчэтиинэн туһаныыга ким ордук бырааптааҕый?

Бу сылтан саҕалаан, тулаайах оҕо, инбэлиит оҕо,  I уонна II группалаах инбэлиит, оҕо сааһыттан инбэлиит үрдүк үөрэххэ киириитигэр чэпчэтии көрүллэр, квота иһинэн. Бу олунньу 17 күнүгэр президент илии баттаабыт сокуона буолар. Өссө кимнээххэ ордук быраап бэриллиэн сөбүй?


Өссө биир көҕүлээһин — сенатордар Галина КареловаИнна Святенко уонна Елена Бибикова — университекка киириигэ, өскөтүн баал тэҥнэһэр түгэнигэр, үстэн элбэх оҕолоох ыаллар оҕолоругар ордук быраап көрүллэригэр этии киллэрдилэр.

«Манна үөрэниэн баҕарбат эбэтэр үөрэхтэригэр мөлтөх оҕолор бэлэмнээх оҕолору баһыйар бырааптаахтар диэн этиллибэт», — диэтэ «Парламентская газета» хаһыакка сокуон бырайыагын ааптардарыттан биирдэстэрэ, Федерация Сэбиэтин социальнай бэлиитикэҕэ кэмитиэтин бэрэссэдээтэлин солбуйааччыта Елена Бибикова. Кини быһаарбытынан, абитуриеннар биир миэстэҕэ иккиэн тэҥ баалы ылбыт буоллахтарына, үөрэх тэрилтэтэ ордук болҕомтону элбэх оҕолоох ыал оҕотугар биэрэр.

Сенатордар көҕүлээһиннэрин Госдуума профильнай кэмитиэтэ өйүүр. «Элбэх оҕолоох ыаллар үксүгэр дохуоттара намыһах буолар, төрөппүттэр репетитор наймылаһалларыгар харчылара тиийбэт», — диэтэ үөрэххэ уонна наукаҕа Госдума кэмитиэтин бэрэссэдээтэлин бастакы солбуйааччыта Олег Смолин.

Депутат барыллааһынынан, бюджекка үөрэнэ киириигэ ордук усулуобуйанан туһанааччы испииһэгэ кэҥиэн сөп. Холобур, учууталлар оҕолоро — педагогическайга, быраастар оҕолоро — медицинскайга. Байыаннайдарга көрүллүбүт сокуон атылыытын быһыытынан быһаарыахха сөп. Маннык түгэҥҥэ төрөппүт үлэлээбит ыстааһа 20 сылтан кыра буолуо суохтаах.

Парламентарий көннөрүүлэри киллэрэргэ бэлэм.

0
0
23 января 23.01
  • -48°
  • $ 73,82
  • 83,32