21 Муус устар 21.04
  • $ 93,44
  • 99,58

«Звезднай» түөлбэҕэ быйыл эбии сэттэ дьиэ үлэҕэ киириэҕэ

Фото: Мария Васильева, ЯСИА
Читайте нас на
Яндекс Новости
ЯДВ

Дьокуускай куорат саҥа «Звезднай» түөлбэтигэр билиҥҥитэ  элбэх кыбартыыралаах дьиэ үлэҕэ  киирэн турар. Бүгүҥҥү туругунан өссө элбэх кыбартыыралаах 10  дьиэни тутуу бара турар. Мантан быйыл сэттэтэ үлэҕэ киириэхтээх.

Бу туһунан Ил Дархан пресс-сулууспата иһитиннэрэр.

Итини таһынан Сабыылаах каток уонна 112 МВт кыамталаах квартальнай хочуолунай тутулла турар. Сабыылаах каток 5000 кв.м тахса иэннээх икки этээстээх тутуу буолар. Манна  хоккейдыыр корт, керлинниир сир, успуорт саалата, эти-хааны сынньатарга-чэбдигирдэргэ  аналлаах итиэннэ административнай хос, быраас хоһо, тренажернай саала баар буолуохтара.

Саҥа микрооройуоҥҥа 990 миэстэлээх оскуола, 600 киһи көрдөрүнэригэр поликлиника, 315 миэстэлээх оҕо саада тутуллара былааннанар.

«Микрооройуоннары маннык тиһиктээхтик сайыннарыы киин куорат тэтимнээхтик сайдарыгар, дьон-сэргэ олоҕо тупсарыгар кыаҕы биэриэ диэн эрэнэбин. Биһиги куорат баһылыгын кытары бу боппуруостары дьүүллэспиппит», – диэн Ил Дархан Айсен Николаев бэлиэтээн турар.

Ааптар: Сайаана Львова, «Саха сирэ» сайт

Следите за самым важным и интересным в Telegram-канале и WhatsApp-группе ЯСИА