Арктикатааҕы судаарыстыбаннай агротехнологическай университет баазатыгар Ил Түмэн депутаттара, былаас уонна уопсастыбаннас бэрэстэбиитэллэрэ Саха сирин агропромышленнай комплексыгар кадры бэлэмниир туһунан кэпсэттилэр.
Төгүрүк остуол кыттыылаахтара киллэрбит этиилэринэн, мэктиэ сурук бырайыага оҥоһулунна.
«Агропромышленнай комплексы, уопсайынан экономиканы, каадырынан хааччыйыыга ураты миэрэлэри ылар кэм буолла. Биһиги тыа хаһаайыстыбатыгар, үөрэҕириигэ, доруобуйа харыстабылыгар каадыр тиийбэтин билэбит», — диэтэ Ил Түмэн наукаҕа уонна үөрэҕириигэ сис кэмитиэт бэрэссэдээтэлэ Антонина Григорьева эттэ.
Төгүрүк остуол мэктиэ суругар агро-хайысхалаах уопсай, орто уонна үрдүк үөрэхтэр таһымнарын, тыа хаһаайыстыбатын идэлэрин престиһин үрдэтии, саҥа үөрэхтэрин бүтэрбит исписэлиистэри хайысхаҕа үлэлии кэлэллэрин ситиһии курдук этиилэр киирдилэр.
Маны сэргэ Саха сиригэр тохтоло суох агротехнологическай үөрэх концепциятын оҥорон бигэргэтии, агро-оскуолаларга биир кэлим үөрэтэр бырагыраама оҥоһуллара, хайысхалаах үрдүк үөрэх кыһаларын, СПО тэрилтэлэрин, агро-оскуолалар ардыларыгар ситимнээх сыһыаны олохтооһун наадата этилиннэ.
Ветеринардарга, зоотехниктарга уонна агрономнарга хамнастарын үрдэтиигэ систиэмэлээх үлэ барыахтааҕа эмиэ кэпсэтиигэ таҕыста.
«Земский фермер» бырагырааманы олоххо киллэрэр туһунан боппуруоһу үөрэтэн көрөргө диэн буолла.
