2020 — 2022 сылларга Саха сиригэр «Земский учитель» бырагырааманан 50 педагог үлэҕэ киирдэ, ол иһигэр 34-дэ Арктика улуустарыгар, ТАСС регион үөрэххэ министиэристибэтигэр сигэнэн суруйар.
Сылын аайы бырагыраамаҕа киириигэ куонкуруска дойду атын регионнарыттан ортотунан 30 претендент сайаапка биэрэр. Ордук наадалаах математика, информатика, физика, нуучча тыла, биология, химия, история уонна омук тыллара буолаллар.
2023 сылга «Земскэй учуутал» бырагырааманан 22 педагогу үлэҕэ ылар былаан турар. Квоталар Горнай, Таатта, Уус-Майа, Ленскэй, Өлүөхүмэ, Кэбээйи, Үөһээ Бүлүү уо.д.а. улуустарга бааллар.
