26 От ыйа 26.07
  • 20°
  • $ 85,41
  • 93,17

Юрий Трутнев Саха сиригэр ууга барбыт сирдэри көрүөҕэ

Читайте нас на
Яндекс Новости
ЯДВ

От ыйын 20 күнүгэр Саха сиригэр дойду бырабыыталыстыбатын Уһук Илин уокурукка боломуочуйалаах бэрэстэбиитэлэ Юрий Трутнев кэлиэҕэ. Региоҥҥа Трутнев от ыйын 22- гэр диэри үлэлиэҕэ.

Сэрэдээҕэ Юрий Трутнев Дьааҥы улууһун ууга барбыт нэһилиэктэрин көрүөҕэ, ол быыһыгар Баатаҕайы уонна Верхоянскай куораты. Ардах халаанын содулларын туоратыыга оперативнай мунньах былааннанна.

Чэппиэргэ өрөспүүбүлүкэ сиригэр-уотугар баһаарынай уонна халаан уутун содулларын туоратыыга мунньах ыытыллыаҕа.

Маны таһынан, сырыы чэрчитинэн, социальнай инфраструктураны сайыннарыыга уонна Уһук Илиҥҥи концессия механизмынан  «Биир ньыгыл субсидия» кэрчигинэн оҥорууга федеральнай бүддьүөттэн бэриллэр үп суотугар социальнай эбийиэктэри тутуу хаамыытын туһунан сүбэ мунньаҕы ыытыы былааннанар, диэн полпред телеграм ханаалыгар биллэдилэр.

Следите за самым важным и интересным в Telegram-канале и WhatsApp-группе ЯСИА