18 От ыйа 18.07
  • 18°
  • $ 88,09
  • 96,3

Ыам ыйын 9 күнүгэр Саха сирэ "Кыайыы уота" аахсыйаҕа кыттыаҕа

Читайте нас на
Яндекс Новости
ЯДВ

Кыайыы күнүгэр диэри аҕыйах күн хаалла. Кыайыы параада быйыл, самоизоляция эрэһииминэн, үгэскэ кубулуйбут курдук ыытыллыбат. СИА «Биир ньыгыл Россия» баартыйа суруйуутугар сигэнэн иһитиннэрэр.


Хааччахтааһыннары тутуһан, Саха сиригэр Кыайыы күнүн дьоһуннаахтык бэлиэтиэхпит. Биһиги куораттары, өрөспүүбүлүкэни уонна дойдуну биир улахан Кыайыы параадыгар түмүөхпүт.

Ыам ыйын 9 күнүгэр, Кыайыы 75 сылыгар, Россия үрдүнэн «Кыайыы уота» аахсыйа ыытыллыа. Самоизоляция эрэһиимин тутуһан туран, хас биирдии киһи кыттар кыахтаах.

22.00 чааска баҕалаахтар дьиэлэригэр электричество уоттарын сабан баран, подоконниктарга чүмэчилэри ууран, түннүктэринэн банаарыктары, төлөпүөн уотун тыктарыахха сөп. Манан Ийэ дойдуну көмүскээбиттэргэ өйдөбүнньүк оҥоруохпут.

Аахсыйа сыала — «Үйэлээх полк» сэлэлии хаамыыга тахсар кыахпыт суох эрээри, дойду үрдүнэн бары биир сомоҕо буоларбытын көрдөрөбүт. Кыайыыга махталбыт бэлиэтин өйгө-санааҕа уоту уматан бэлиэтиибит.

«Биир ньыгыл Россия» баартыйа регионнааҕы салаатын сэкирэтээрэ Айсен Николаев Instagram суруйар: “Социальнай ситимнэргэ уонна онлайн-биэриилэргэ сигэнэн биһиги Кыайыы 75 сыллаах үбүлүөйүн киэҥ далааһыннаахтык ыытыахпыт диэн эрэллээхпин. Ыччат дьоммутугар дойдубут историятын өссө төгүл кэпсиэхпит, билиһиннэриэхпит. Ким да умнуллубат, туох да умнуллубат!» 

Суруйууларгытын уонна хаартыскаларгытын социальнай ситимнэргэ уураргытыгар хэштег #СветПобедыЯкутия #НиктоНеЗабытНичтоНеЗабыто #ВеликаяПобеда #ЕР14

Бу туһунан бүгүн СӨ ыччат дьыалаларыгар министрэ Степан Саргыдаев эмиэ быһа эфиргэ эттэ. Сиһилии манна аах https://ysia.ru/salyuta-ne-budet-stepan-sargydaev-predlozhil-alternativu-traditsionnomu-fejerverku-9-maya/

Следите за самым важным и интересным в Telegram-канале и WhatsApp-группе ЯСИА