«Хас биирдии стажировка уһун кэмнээх буолуоҕа, үөрэх чааһынан буолбакка, үлэ былаанынан барар. Алта нэдиэлэ. Наставниктар көмөлөһүөхтэрэ», – диэтэ Кашперская.
Анал байыаннай дьайыы кыттыылаахтарыттан сайаапка тутуута кулун тутар 21 күнүнэн бүтэр. Барыта 552 сайаапка киирдэ. Бырагыраамаҕа кыттыыга Российскай Федерация гражданина, СВО кыттыылааҕа, орто анал эбэтэр үрдүк үөрэхтээх буолара уонна дьону салайыыга уопуттааҕа ирдэнэр. Сааһынан хааччах суох.
Бырагыраамаҕа кыттыыга якутияземлягероев.рф саайтка киирэн үөрэнэргэ сайаапка хааллараҕыт.
