Ахсынньы 25 күнүгэр «Якутия» авиахампаанньа дириэктэрдэрин сэбиэтэ Владимир Николаевы быстах кэмҥэ генеральнай дириэктэр э.т. анаата. Эрдэ бу дуоһунаска үлэлии сылдьыбыт Андрей Винокуров хантараагын болдьоҕо бүттэ. Ол туһунан тырааныспар министиэристибэтэ суруйда.
Владимир Николаев сааһа 49. Кини 1995 сыллаахтан авиацияҕа үлэлээбит уопуттаах, ол иһигэр араас тииптээх сөмөлөүттэргэ пилот уонна хамандыыр. Эрдэ кини куттала суох көтүүлэргэ салайыыга генеральнай дириэктэри солбуйааччынан үлэлээбитэ.
Андрей Винокуров хампаанньаҕа үлэтин уопсай боппуруостарга гендириэктэри солбуйааччынан салгыаҕа.
