Владимир Путин Федеральнай мунньахха туһаайыытыгар хотугу муора суолун сайыннарар наадатын эттэ. Маны сэргэ Арктика флотун тэтимин эбэн биэриигэ тохтоото.
Хотугу муора суола инникилээх, кэскиллээх, диэн бэлиэтээтэ Владимир Путин. Кини тас дойду логистическай хампаанньаларын, судаарыстыбалары көхтөөхтүк глобальнай тырааныспар көрүдүөрүн кыаҕын туһаналларыгар эттэ.
Маршрут сайдыытын соруктарыгар сылы эргиччи навигациянан хааччыйыы киирэр, онон дойду Арктика флотун күүһүрдэр. Олохтоох верфь баазатыгар эргиэн флотун саҥардар былаан баар.
2023 сылга хотугу муора суолунан 36 мөл туонна таһаҕас тиэрдиллибит.
