24 Олунньу 24.02
  • -37°
  • $ 92,75
  • 100,44

Владимир Путин эдэр учуонайдары фундаментальнай чинчийиилэри кэҥэтэллэригэр ыҥырда

Читайте нас на
Яндекс Новости
ЯДВ

Россия эдэр учуонайдарын III Конгресстара буолла. Владимир Путин кыттыыны ылла, эдэрдэри кытта наука билиҥҥи уонна кэлэр кыаҕын кэпсэттилэр.

Эдэр учуонайдар Конгресстарыгар элбэҕи кэпсэттилэр. Ол курдук, науканан дьарыктанар эдэр ийэ оҕолонон олорор уоппускатын кэмигэр кини үлэтигэр «бириэмэ тохтооһунун» хаамыытын кэҥэтэн биэрэр этилиннэ. Оччоҕуна эдэр ийэ идэтиттэн барбат, хаһан баҕарар саҕалаабыт чинчийиитин салгыан сөп.

Владимир Путин фундаментальнай чинчийиилэри кэҥэтэн, дириҥэтэн биэрэр наадатын эттэ. «Манныга суох прикладной соруктары толорор кыахпыт суох», — диэтэ кини.

Россия инженернай киин буолара этилиннэ, биһиэхэ аан дойдуттан барытыттан ыйытыылар киирэллэр. Тоҕо диэтэххэ, Россияҕа сырье бастакы төрүтэ баар уонна өссө киэҥ эйгэҕэ тахса илик технология баар. Бары хайысхаҕа маны туһаныахпытын наада, диэн буолла.

Генетика туһунан туспа тутан кэпсэттилэр.

Источник: Объясняем.РФ

Следите за самым важным и интересным в Telegram-канале и WhatsApp-группе ЯСИА