Ыам ыйын 14-15 күннэригэр «Триумфка» буолар ыччат тустууга Спартакиадата сабыылаах эрэһиимҥэ ыытыллар. 21-гэр диэри саастаах спортсменнар кытталлар.
Россия сэттэ регионуттан кытталлара былааннанар: Саха Өрөспүүбүлүкэтэ, Амур уобалаһа, Хабаровскай кыраай, Еврейскай АУо, Забайкальскай кыраай, Приморскай кыраай уонна Бурятия Өрөспүүбүлүкэтэ. Кылаабынай судьуйа — Петр Чешкин (Амур уобалаһа), норуоттар икки ардыларынааҕы категориялаах судьуйа. Онлайн көрдөрүүнү «Триумф» ютюб ханаала тэрийиэҕэ.
⠀
Күрэхтэһии санитарнай-эпидемиологическай ирдэбили барытын тутуһан ыытыллар.
⠀
Сүүмэрдиир түһүмэх кыайыылаахтара Спартакиада финалыгар от ыйын саҕаланыыта Казаньҥа кыттыахтара (Татарстан Өрөспүүбүлүкэтэ).
⠀
Спартакиада «Спорт – норма жизни» федеральнайдааҕы бырагырааманан «Демография» национальнай бырайыак чэрчитинэн ыытыллар.
⠀
Бырагырааманы манна билис https://ysia.ru/ii-etap-v-letnej-spartakiady-molodezhi-rossii-po-sportivnoj-borbe-v-yakutii-projdet-bez-zritelej/
