24 От ыйа 24.07
  • 17°
  • $ 87,3
  • 95,46

Урбаанньыттар нолуокка чэпчэтиилэри туруорсаллар

Хаартыска: ЯСИА саайта
Читайте нас на
Яндекс Новости
ЯДВ
Табаары оҥорон таһаарааччылар, атыы-эргиэн урбаанньыттарын сойууһун бэрэссэдээтэлэ Ирина Котенко Владимир Путин уопсастыбаннай приемнайыгар тиийэн, биисинэскэ, нолуокка сыһыаннаах сокуоннары ылынарга эрэгийиэн уратытын учуоттуур туһунан этии киллэрдэ.

Тыйыс тымныылаах күнү-дьылы, олус улахан иэннээх, киэҥ-куоҥ сирдэри, суол-иис суоҕун, Саха сирэ киин эрэгийиэннэртэн ыраах сытарын учуоттуурга көрдөстө.

Табаары оҥорон таһаарааччыларга уонна атыы-эргиэн хампаанньаларыгар Арассыыйаҕа олохтоммут ирдэбиллэри уонна нуормалары  Саха сиригэр толору кээмэйинэн толоруу кыаллыбат. Онон Ирина Котенко Саха сиригэр НДФЛ нолуогун  уонна биэнсийэҕэ усунуостары төлүүргэ чэпчэтиини олохтуурга этии киллэрдэ.

Владимир Путин уопсастыбаннай приемнайа 2023 сыл ахсынньытыттан үлэлиир. Волонтердар өрөспүүбүлүкэ олохтоохторуттан этиилэри хомуйан баран, салгыы бэрэсидьиэҥҥэ хандьыдаат Владимир Путиҥҥа тиэрдэллэр, суруйда Ил Дархан, бырабыыталыстыба дьаһалтатын пресс-сулууспата.

Источник: Саха сирэ хаһыат

Следите за самым важным и интересным в Telegram-канале и WhatsApp-группе ЯСИА