23 От ыйа 23.07
  • 26°
  • $ 87,78
  • 95,76

Уһук Илин уонна Арктикаҕа үлэлии кэлбит быраастарга 2 мөл солк төлүөхтэрин баҕараллар

Читайте нас на
Яндекс Новости
ЯДВ

Доруобуйа харыстабылын министиэристибэтэ Уһук Илин, Уһук Хоту уонна Арктика бөһүөлэктэригэр үлэлии кэлбит быраастарга анаан икки мөлүйүөн солкуобай кээмэйдээх биир кэмнээх төлөбүрү аныырга этии киллэрдэ. Бырабыыталыстыба уурааҕын барыла нормативнай-правовой акталар бырайыактарын федеральнай порталыгар оптуорунньукка бэчээттэммитэ, диэн «Парламентская газета» суруйар.

Дэриэбинэлэргэ, куорат тииптээх бөһүөлэктэргэ, биэлсэр уонна акушер пууна баар учаастактарга   үлэлии тахсыбыт  быраастарга икки мөлүйүөн уонна биир мөлүйүөн суумалаах биир кэмнээх көмө төлөбүрдэри биэлсэрдэргэ, акушеркаларга уонна сиэстирэлэргэ биэриэхтэрэ.

Тыа сиригэр, рабочай уонна куорат типтээх бөһүөлэктэргэ, суола-ииһэ суох сирдэргэ үлэлии тахсар быраастарга эмиэ 1,5 мөлүйүөн солкуобайдаах төлөбүрү, онтон биэлсэрдэргэ, акушеркаларга, сиэстирэлэргэ 750 тыһыынча солкуобайдаах көмөнү оҥоруохтара.

Ону таһынан, 50 тыһыынча киһиэхэ диэри олохтоохтордоох бөһүөлэктэргэ көһөн тиийэн үлэлиир быраастарга биир мөлүйүөн солкуобайдаах, биэлсэрдэргэ, акушеркаларга уонна сиэстэрэлэргэ мөлүйүөн аҥаара көрүллэр.

Нэһилиэнньэлээх пууннарга, рабочай бөһүөлэктэргэ, куорат тииптээх уонна кыра куораттарга  биир кэмнээх төлөбүрдэри тарҕатыы «земскэй доктор/земскэй фельдшер» бырагыраама кыттыылаахтарын иһинэн оҥоһуллар.

Эрдэ, Владимир Путин үөрэҕи ылыан баҕалаах эдэр исписэлиистэргэ «земскэй доктор» бырагырааманы тарҕатарга сорудахтаабыта.

Доруобуйа харыстабылын министиэристибэтин сыанабылынан, 2023 сылга бырагыраама кыттыылаахтарынан тыһыынчанан быраас уонна 400-чэкэ орто медперсонал буолуохтара. Салгыы сыл аайы 1,5 тыһыынча кэриҥэ киһи кыттыаҕа.

Кулун тутар 2 күнүгэр Псков уобалаһын депутаттара орто медицинскэй үөрэхтээх тыа сирин үлэһиттэригэр армияттан быһа барыы туһунан сокуон барылын  ырыппыттара биллэр.

Следите за самым важным и интересным в Telegram-канале и WhatsApp-группе ЯСИА