22 Ыам ыйа 22.05
  • -7°
  • $ 104,68
  • 115,6

Уһук Илин олохтоохторугар 2022 сылга чэпчэтиилээх авиабилиэккэ 12,3 млрд солк анаатылар

2022 сылга Уһук Илин олохтоохторо киин регионнарга көтөллөрүгэр чэпчэтиилээх билиэккэ 12,3 млрд солк тыырылынна. Бу суума былырыын 11,6 млрд солк тэҥэ. Бу туһунан уокурукка президент боломуочуйалааҕа Юрий Трутнев пресс-сулууспата иһитиннэрдэ.

Суоттааһынынан, үүнэр сылга чэпчэтиилээх авиабилиэтинэн 1,43 мөл киһи туһаныан сөп. Кинилэр Уһук Илин федеральнайдааҕы уокурук регионнарын сис олохтоохторо буолуохтаахтар. Маны сэргэ чэпчэтиинэн туһанар нэһилиэнньэ категорията, ол эбэтэр 23-гэр диэри саастааах ыччат, 55-тэн үөһэ саастаах дьахтар, 60-тан үөһэ саастаах эр киһи, элбэх оҕолоох ыаллар уонна доруобуйаларыгар хааччахтаахтар.

Трутнев мунньаҕар маннык чэпчэтиилээх билиэти биир киһи хаһы атыылаһыан сөбүн кэпсэттилэр. Боломуочуйалаах салайааччы эппитинэн, ахсааны хааччахтаабатахха, ким эрэ элбэх чэпчэтиилээх билиэтинэн туһаныан сөп, ким эрэ бииргэ да тиксиэ суоҕун сөп. Оттон бырагыраама «барыларыгар» диэн соруктаах.

Источник: «Интерфакс»

Хаартыска: РИА Новости

Следите за самым важным и интересным в Telegram-канале и WhatsApp-группе ЯСИА
0
0