15 От ыйа 15.07
  • 21°
  • $ 87,74
  • 95,76

Тыа сирин нэһилиэнньэтэ уон сыл иһигэр 1,5% аҕыйаата

Хаартыска: ЯСИА саайта
Читайте нас на
Яндекс Новости
ЯДВ

Ил Дархан Айсен Николаев тыа сирин нэһилиэнньэтэ аҕыйыыр диэн этиини кытта сөбүлэспэтин эттэ. Уон сыл иһигэр улуустарга олорор дьон ахсаана 1,5% эрэ кыччаата.

«Статистика көрдөрөрүнэн, уон сыл иһигэр тыа сирин нэһилиэнньэтэ 1,5% эрэ кыччаата. Бу элбэх буолбатах, экономикаҕа охсуута суох», — диэтэ Айсен Николаев сыллааҕы пресс-конференциятын кэмигэр.

Кини эбэн эппитинэн, ис миграция баар, оройуон кииннэригэр көһөн киирии, манна олох хаачыстыбата ордук. Билигин нэһилиэктэргэ үлэ миэстэтин таһааран, баар кыһалҕаны быһаарыахха наада.

«Кыра сэлиэнньэлэргэ интэриэһинэй, үчүгэй үлэ миэстэтэ баар буолуон наада. Оччоҕуна дьон олохсуйан хаалыаҕа», — диэтэ Айсен Николаев.

Санаттахха, Саха сиригэр социальнай хантараак кээмэйэ икки бүк улаатта.

Следите за самым важным и интересным в Telegram-канале и WhatsApp-группе ЯСИА