27 Ыам ыйа 27.05
  • -7°
  • $ 104,68
  • 115,6

Тыа сиригэр эдэр исписэлиистэргэ түөрт кыбартыыралаах дьиэ тутуллар

17:01, 24 ноября 2020
Текст:

Хаҥалас улууһун Тиит-Эбэ нэһилиэгэр эдэр исписэлиистэргэ түөрт кыбартыыралаах дьиэ тутуута түмүктэнэн эрэр.


«Тыа сирин биир кэлим сайыннаары бырагырааматынан» тутуллар дьиэни “КСК Лидер” ХЭТ балаҕан ыйыттан саҕалаабыт. Билигин дьиэни 16 киһи тутар.

Биир этээстээх мас тутуу дьиэ уопсай иэнэ 216 кв м, хас биирдии кыбартыыра 54 кв миэтэрэлээх, туһунан ааннардаах. Улуус баһылыга Олег Иринеев билигин дьиэ иһигэр гипсокартонтан отделка үлэтэ барарын, ититии турбаларын, радиатордарын таҥыы, олбуор тимир атахтарын олордуу, сантехника үлэлэрэ баралларын эттэ.

«Эдэр исписэлиистэр дьиэҕэ социальнай найм дуогабарынан олоруохтара. Тиит-Эбэ уонна Хоточчу нэһилиэктэрэ улууска тэтимнээхтик сайдаллар. Манна үс оскуола, оҕо саада, “Самартай”тыа хаһаайыстыбатын кооператива, амбулатория о.д.а. социальнай тэрилтэлэр бааллар. Онон манна кэлэн үлэлиэн баҕалаах эдэр дьон ахсаана өрүү элбэх», — диир баһылык.

Эдэр исписэлиистэр саҥа дьиэҕэ ахсынньыга киириэхтэрэ.

Следите за самым важным и интересным в Telegram-канале и WhatsApp-группе ЯСИА
0
0