Ойуур баһаарыттан эмсэҕэлээбит Горнай улууһун Бэс-Күөлэ чөлүгэр түһүүтүгэр тыа хаһаайыстыбатын министиэристибэтэ бэйэтин хайысхатынан үлэни ыытар. Аҕыс хотон тутулунна, тустаах миниистир солбуйааччыта Прокопий Николаев быһа эфир кэмигэр эттэ, суруйар СИА.
«Аҕыс хотон тутулунна. Алтынньы 15 чыыһылатын эргин 100 төбө сүөһү биирдэ киирэр хотонун үлэҕэ киллэриэхпит. Тыа хаһаайыстыбатын эйгэтигэр көрсүбүт ороскуоттарын барытын толору чөлүгэр түһэрэбит», — диэтэ Прокопий Николаев.
Салайааччы иһитиннэрбитинэн, Бэс-Күөлүн баһаартан эмсэҕэлээбит дьонугар техникаларын, отторун, сүөһүлэрин ылыналларыгар ороскуоттарын уйуналлар.
