26 От ыйа 26.07
  • 16°
  • $ 85,41
  • 93,17

Тутар этэрээттэргэ үлэни биэрии улаатыа

09:03, 13 октября 2016
Читайте нас на
Яндекс Новости
ЯДВ

Биир идэлээхтэр сойуустарын федерацияларын мунньахтыыр саалатыгар алтынньы 12 күнүгэр «Саха Өрөспүүбүлүкэтигэр ыччат сыла» диэн ааттаах төгүрүк остуол ыытылынна. Тэрээһини СӨ Ыччат дьыалаларын уонна дьиэ кэргэн бэлиитикэтигэр миниистирэ Афанасий Владимиров иилээн-саҕалаан ыытта.


Төгүрүк остуолга салаа министиэристибэлэр, биэдэмистибэлэр салайааччылара, Ил Түмэн дьокутааттара, ыччат уопсастыбаннай түмсүүлэрин бэрэстэбиитэллэрэ кытыннылар. Ол курдук Олох-дьаһах, коммунальнай хаһаайыстыба уонна энергетикэ миниистирэ Гаврил Левин кэлэр сылга устудьуоннар тутар этэрээттэригэр үлэни биэриини элбэтэр туһунан этэн туран, туһааннаах министиэристибэ бу хайысхаҕа болҕомтотун ууруоҕун бэлиэтээтэ.

Ыччат уопсастыбаннай хамсааһыннарын лидердэриттэн үгүс оруннаах этиилэр киирдилэр. Ол курдук эдэр учуонай Александр Винокуров историческай суолталаах дааталар, түгэннэр электроннай архыыптара оҥоһуллубутун кэпсээтэ. Манна өссө ыччакка сыһыаннаах бэлиэ түгэннэр эмиэ киирбиттэрин бэлиэтээтэ.

Ил Түмэн дьокутаата Александр Сусоев улуустааҕы ыччат хамсааһыннара муниципалитеттары кытары бииргэ үлэлиэхтээхтэрин эттэ. Төгүрүк остуол олус интэриэһинэйдик ааспытын бэлиэтиэххэ наада. Сытыы боппуруостар, сонун идиэйэлэр көтөҕүлүннүлэр. Онон, кэлээри турар Ыччат сылыгар номнуо бастакы хардыылар оҥоһуллан эрэллэр.

Следите за самым важным и интересным в Telegram-канале и WhatsApp-группе ЯСИА